بتول سليمان علوش.. طالبة الطب التقني بجامعة تشرين باللاذقية
بتاريخ 29 نيسان الماضي اختفت بتول من قلب السكن الجامعي، المكان اللي المفروض يكون الملاذ الآمن إلها ولكل الطالبات
أهلها قلبوا الدني وهنن عم يدوروا عليها من دون أي جواب.. وفجأة بيظهر مقطع فيديو لبتول عم تقول فيه إنها «هاجرت في سبيل الله» واعتنقت الإسلام
لكن الصدمة كانت بخلفية الفيديو.. المكان هو كورنيش جبلة على سواحل اللاذقية.. فكيف لبنت أنها توصف انتقالها بين مدينتين جارتين مافي بيناتن كم كيلو متر بأنها هجرة في سبيل الله؟
والدة بتول اللي عم تصارع اليوم جلطة دماغية، أكدت معلومة بأنه إدارة السكن الجامعي رفضت تفرجيها تسجيلات الكاميرات، واكتفوا بجملة «طلعت لحالها».. طيب إذا طلعت لحالها، ليش الخوف من الحقيقة المصورة بكاميرات المراقبة؟
رح نسأل سؤال بسيط.. يا ترى لو كانت الآية معكوسة، واختفت بنت من إدلب وظهرت باللاذقية بعد فترة وعم تقول إنها غيرت دينها وتزوجت شاب علوي وكل هالشي بإرادتها، هل كان رح يمر الموضوع بسلام؟ ولا كنتوا أعلنتوا النفير العام والفزعات العشائرية وحرقتوا الساحل باللي فيه لترجعوها؟
هاد الاختفاء المريب والغموض بالقضية هو النمط المعتاد اللي حذرت منه تقارير الأمم المتحدة ولجان التحقيق الدولية من وقت سقوط نظام الأسد
التقارير وثقت تصاعد مرعب بحالات الاختفاء القسري والاحتجاز التعسفي للنساء العلويات بالساحل السوري، خاصة مع انتشار عناصر متطرفة بتستخدم الإكراه الديني والأيديولوجي كأداة للضغط والترهيب
القضية مانها مجرد خيار شخصي متل ما البعض عم يحاول يروج.. هي قضية غياب دولة القانون وانتشار ظاهرة اختطاف الفتيات والنساء، وتحويل هاد النوع من الجرائم لوسيلة لتصفية حسابات طائفية أو سياسية، بعيداً عن أي محاسبة أو رقابة
اليوم في أب عم يبكي بنته، وأم مريضة وقلبها مكسور.. وعيلة عم تموت باليوم ألف مرة وعم تطالب ببنتها.. بتول مانها مجرد رقم، هي جرح مفتوح بصدر كل سوري لسا بيآمن بالكرامة
إذا كانت بتول فعلاً حرة وغادرت بإرادتها، جيبوها على مكان رسمي، وخلوها تقول لأهلها إنها بخير.. مع أنه نحنا عنا شك.. حتى لو صار هيك إجراء تحت سلطة عم تتستر عالمجرمين وترهب ضحاياهم ليطلعوا ويقدموا رواية كتبوها عصابات الأمن.. رواية بتخلي البنت ترجع تقول نفس الكلام الي قالته لما كانت مخطوفة!
عاد جسر سيمالكا العائم إلى الخدمة صباح اليوم الأربعاء، بعد توقف استمر منذ 16 آذار الماضي، نتيجة الأضرار التي لحقت به بفعل ارتفاع منسوب المياه والهطولات المطرية، والتي أدت حينها إلى تعليق حركة الشاحنات والمسافرين وتحويل العبور مؤقتاً إلى معبر الوليد.
تشهد قرى الجولان موجة جديدة من التوتر والتصعيد، بعد محاولة شركة إنرجيكس استئناف العمل في مشروع توربينات الرياح، وسط رفض واسع من السكان المحليين والمزارعين الذين يعتبرون المشروع تهديداً للأراضي الزراعية والصحة العامة في المنطقة.
أثارت تقارير نشرتها صحيفتا جيروزاليم بوست ومعاريف جدلاً واسعاً بعد حديثها عن بدء سوريا بإعادة بناء قدراتها العسكرية، وخاصة منظومات الدفاع الجوي وسلاح الجو، وسط تحذيرات إسرائيلية من تأثير ذلك على “الأمن الاستراتيجي” لتل أبيب.
سلّط برنامج “صدى المشرق” على قناة France 24 الضوء على قضية الشابة بتول علوش، التي أثارت موجة واسعة من الجدل والتفاعل في سوريا، وسط اتهامات تتعلق بعمليات اختطاف تستهدف نساء وفتيات من الطائفة العلوية.
الإمارات العربية المتحدة - دبي
info@xmedia-news.com
© X Media News. All Rights Reserved 2026
