‏مع أبو محمد تعلّم كيف تمــ سّح جــ وخ للســ يسي ببضع دقائق!

قبل سنوات.. كان الجولاني يسبّ السيسي ويوصفه بأنه «أداة أمريكية»، وفوق منها طالب الإخوان المسلمين بمصر بالجهاد ضده!.
‏
‏وحتى وقت قريب بعد وصوله للحكم، يعني من حوالي ٣ أشهر غض الطرف عن مظاهرات لأنصاره طلعت بقلب الشام وشتمت السيسي، وألمح كمان خلال زيارة للسعودية لـ«تخلف مصر».
‏
‏أما اليوم فعم يتملق لرئيس مصر ويتحدث عن «النمو الاقتصادي بقيادة فخامة السيسي»، وعم يقول كمان: «نريد التعلم من خبرته».. مشهد بيخلي الواحد يستفرغ قبل ما ينصدم!.
‏
‏لك وين رحت بدعواتك للجهاد بمصر يا أبو محمد.. مو عأساس السيسي أداة أمريكية؟!.. يا ترى تراجعت عن هالكلمة بس منشان تصلح الأمور مع مصر أو لأنك سبقت كل الأنظمة العربية والعالمية بالهرولة عالبيت الأبيض؟.. لك وياريت من الباب الأمامي!.
‏
‏مو عأساس مصر كمان متخلفة اقتصادياً، احكيلنا كيف رجعت تشوف فيها «نمو اقتصادي» و«خبرة يجب الاستفادة منها».. بشرفك احكيلنا!.
‏
‏طيب خيو مسامحينك بكل هدول.. احكيلنا كيف بدك تفسرلن للإخوة بمصر ظهور الجهادي المصري أحمد المنصور المطلوب بتهم إرهابية ببلده وهو عم يتشفى بإلقاء جثة مقاتلة سورية كردية بحلب، بنفس الوقت الي كنت عم تستقبل فيه وفد مصري وتمسحلو جوخ لعبد الفتاح!.
‏
‏المصريين بيعرفوك منيح وبيعرفوا تاريخك، وبيعرفوا الخطر الكامن ورا تملقك الجديد، وليكو الإرهابي أحمد المنصور شاهد قبل ما يكون متهم!.
‏
‏مصر ما بتنسى، وما رح تثق بسهولة.. الحذر المصري من الجولاني مو خوف فارغ، بل بسبب تاريخه الطويل بالعمل المسلح ضمن بيئة جهادية مرتبطة بتنظيمات إرهابية عالمية، ووجود عناصر مطلوبين بمصر ضمن شبكته وأتباعه.
‏
‏مستقبل العلاقات السورية المصرية ما بينبنى على كلمات الجولاني العابرة، بل على الحذر والفحص الأمني قبل السياسي.
‏
‏والجولاني الي مسمي حاله رئيس رح يضل جهادي الأمس، مهما تملق اليوم، ورح يضل نفاقه سلاحه الدائم!.