‏وزارة الإعلام.. بين المحــ.ظورات الورقية وتســ.ونــ.امي التحــ.ريــ.ض!

يا هلا بالدولة.. ويا هلا بالهيبة!
‏
‏وزارة إعلام الجولاني أصدرت «دستور» جديد.. ست محظورات للنشر والإعلام أبرزها: لا تسيء للأديان، لا تحرض على الكراهية، ولا تشهر بالناس
‏
‏قوانين كيوت ومحترمة، لو قرأتها بتفكر حالك ببلد أوروبي، مو بمناطق بتحكمها عقلية سلطة متطرفة عم تعتاش من سنة ونص عالتحريض والكراهية الطائفية والمناطقية، وتحريك جيوش من الذباب الإلكتروني والبشري لضرب النسيج المجتمعي السوري
‏
‏بتقرأ القوانين.. بتنبهر.. ممنوع التشهير، ممنوع الإهانة، ممنوع التحريض.. بتفتح على صفحات السوشال ميديا بتنبهر أكتر، على مبدأ أغنية: «أسمع كلامك يعجبني أشوف أمورك استعجب» (الاغنية بالمصري)
‏
‏شوفولنا هالأخ هون الي كان مبارح على قناة حكومية شو عم يحكي
‏‏
‏وشوفولنا هون هالفنان الشبيح الي عم يستهزأ بلهجة مكون سوري ويغني (قااااه)
‏
‏وهون كمان منحب نذكركن بالشب الحلبوتي الي هاجم أهل الشام وحرض عليهن واستهزأ بلهجتن
‏
‏وياترى شفتوا كمان فيديوهات الشتّام البذيء مشعل العدوي الي عاملينه رجل نخبوي وعم تستضيفوه عالقناة الحكومية وعلى مسرح المكتبة الوطنية
‏
‏فيا وزارة الإعلام رح تحاسبوا هدول يا ترى؟!
‏
‏طيب مسامحينكن بالماضي على اعتبار أنه قرار المحظورات غير رجعي وصدر بعد فيديوهات هالنماذج القميئة.. ورح ننطر لنشوف إذا رح تفعّلوا المحاسبة الحقيقية أو رح يضل القرار حبر على ورق.. مع أنه عنا شك بأنكن رح تطبقوه.. بس متل مابقولوا: المي بتكذّب الغطاس