بوقت عم تغرق فيه البلاد بأزمات إلها أول وما لها آخر، وبوقت عم يدوّروا فيه السوريين على بحصة تسند جرة آمالهن.. بتطلع وجوه محملة بالغلّ والسموم.. وهيك بتقول:
هالمرة الهجوم ما كان سياسي ولا عسكري ولا حتى طائفي متل ما عودونا جماعة الجولاني.. هالمرة كان طعنة بشرف أقدم عاصمة مأهولة بالتاريخ
مقطع مصور مقرف لناشط مؤيد لسلطة الجولاني عم يفرغ شحنات كراهية مقززة ضد دمشق وأهلها
ما اكتفى هالشخص الموتور بوصف الشام بأنها «أنجس مدينة بسوريا»، بل تمادى بانحداره الأخلاقي وتناول الدمشقيين بكلمات شوارعية وشتمهم وشتم نسائهم، وطالب عينك كنت عينك بتغيير العاصمة ونقلها للبادية!
المقطع نُشر عبر قناة اسمها «الشامل» من ألمانيا.. بس المصدر الحقيقي لهالخطاب معروف.. بيئة سياسية وإعلامية مرتبطة بسلطة الجولاني بتأكد أنه هالشخص مو «ناشط منفلت» وإنما نتاج مباشر لسلطة سمحت لخطاب الكراهية يصير لغة يومية.. وعم تديره وتشجعه لما بيخدمها
خلّينا نكون دقيقين.. لما تنشتم دمشق علناً وما حدا يتحرك للمحاسبة هاد بيعني إنه السقف مرسوم من فوق..
ولما تتكرر نفس النبرة على لسان إعلاميين وشيوخ محسوبين على السلطة اتجاه كل حدا مو من لونهم، فهاد بيعني إنه الموضوع سياسة عامة مو حادثة!
قبل أيام شيخ من شيوخ السلطة على منبر جامع الايمان بدمشق هاجم فكرة «الشعب السوري واحد» واعتبر انه هاد اقبح شعار بيسمعه، واليوم ناشط من ناشطين السلطة عم يوصف الشام إنها «أنجس مدينة»
وبكرا.. ما في شي مستبعد!
هيك عم تندار البلد.. تفكيك ممنهج للمجتمع بخطاب مسموم هو جزء من أدوات حكم العهد الجديد؟
دمشق هي آخر اختبار لفكرة التعايش ببلد مفكك، ولما يستهدفوها بهالشكل فالمقصود كسر التوازن.. وإيصال رسالة واضحة بأنه ما في حدا خارج دائرة الإهانة
ولأهل دمشق منقول إنه الإهانة الجديدة هي نتيجة السكوت عن الي عم بيصير بحقكم وحق السوريين على كامل الجغرافيا.. والتاريخ السوري القريب مليء بالدروس.. كل مرة تم التساهل مع خطاب كراهية انتهى الأمر بكارثة أكبر.. كل مرة قيل هاد «مجرد كلام» لحقته أفعال!
ما حدا بمنأى ولا حدا مُستثنى.. السكوت سابقاً عن هيك خطاب كان موجه ضد العلوية والدروز والمسيحية والكرد، فقط لأنه صادر من «ابن الطائفة»، أثبت أنه خطأ استراتيجي ومكلف.. وطبعاً هي مو المرة الاولى الي بيتم فيها التهجم عأهل الشام من زعران السلطة..
بتذكروا يوم طلعت مظاهرة صغيرة بالشام من كم شهر ضد فواتير الكهربا.. وقتها زعران السلطة فتحوا منصاتهم للتهجم عالدمشقيين وصار يقلدوا لهجتن وهددوهم بأنه بالصرماية بدهم يدفعوا الفواتير!
المطلوب اليوم من أهل سوريا عموماً وأهل الشام خصوصاً، مو الدفاع عن دمشق كجغرافيا، بل الدفاع عن فكرة «القانون» الي بيحمي الجميع دون استثناء، بدولة ما بينهان فيها علوي ولا درزي ولا مسيحي ولا سني، ولا بينترك فيها المجال لخطاب يحول الخلاف لتحريض.. والتحريض لعنف..
لأن البديل واضح ومجرب.. والي بيجرب المجرب عقله مخرب.
بعد مرور عام على مجازر السويداء في تموز/يوليو 2025، لا تزال المحافظة تعيش تداعيات أمنية وإنسانية واقتصادية معقدة، في ظل استمرار معاناة آلاف النازحين وأصحاب المنازل المدمرة، وتراجع فرص الوصول إلى حلول سياسية أو قضائية تنهي حالة الاحتقان.
كشفت شبكة أكسيوس، نقلاً عن مسؤولين أمريكيين وإسرائيليين، أن الرئيس الأمريكي دونالد ترامب طلب من رئيس الوزراء الإسرائيلي بنيامين نتنياهو البدء بإعادة انتشار القوات الإسرائيلية خارج الأراضي السورية، واتخاذ خطوة مماثلة في لبنان، وذلك خلال اتصال هاتفي جرى بينهما الخميس الماضي.
بالسويداء.. الحكاية ما كانت طوال سنوات الحرب مجرد رفض للتبعية للنظام السابق، أو حتى لفصائل المعارضة بوقتها.. رغم وجود بعض التيارات السياسية والحركات المسلحة الي ناصرت أحد طرفي الحرب
تستعد محافظة السويداء، غداً الأربعاء، لإحياء الذكرى السنوية الأولى لأحداث ومجازر "أسبوع تموز الأسود"، وسط أجواء من الحداد واستمرار التوترات التي خلّفتها تلك الأحداث، بالتزامن مع تصاعد حملات التحريض وخطابات الكراهية الموجهة ضد أبناء الطائفة الدرزية عبر بعض المنصات الإعلامية ومواقع التواصل الاجتماعي.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026