بالوقت الي كان طالع فيه واحد من جماعة السلطة عم يحكي عن مشروع بقاسيون و«زيب لاين» رح يدخل غينيس.. وبالوقت الي كان عم يحكي فيه أبو عائشة الشيباني عن مشروع لربط البحار الأربعة.. وبنفس الوقت الي كانت فيه عدسات مصورين عم تنتقي زوايا تصوير احترافية لوضع حجر الأساس لأكبر جامع بسوريا داخل مدينة دير الزور المدمرة وتطبيل وتزمير لنقوش معمارية .. بهالوقت بالذات كان في نوع تاني من النقوش عم يرتسم، بس مو على الجدران بل على أجساد الكوادر الطبية بمشافي دمشق.. هي النقوش هيي نقوش «الجرب»..
خلال ساعات اشتغلت آلة التشبيح.. تخوين، تسفيه، واتهام بالحنين للنظام السابق، وشيطنة علنية على ألسنة إعلاميي السلطة وشلّة البلوغرز.. هادي العبد الله طلع بفيديو خاص كرمال يتهم الزلمة بأنه «حانن» لنظام الأسد.. غيرو وصف المحتجين بـ«الجوعانين»، وطالب بمعرفة اسم الزلمة ليشنّوا حملة تشهير منظمة ضده.. هيك عم تندار «التقريباً دولة».. منصات تحريض بتتحرك بعد تنسيق على مجموعة خاصة بالشبيحة الجدد عالواتس، بيبلغوا بعض بالمجموعة عن أي حدا منتقد السلطة وبيروحوا على منصاتن وصفحاتن ليحطوه على «سكة حلب» حسب التوصيف السوري الدارج.
زعم مكتب برزة الإعلامي توقيف المواطن "رفيق حيبا"، المعروف بلقب “أبو رسول”، مؤكداً وجود "فرق بين الاعتقال والاستدعاء"، ومشدداً على أن الإجراء لا يرتبط بالمقطع المصوّر الذي انتقد فيه قرار رفع أسعار الكهرباء، بل يعود – وفق البيان – إلى مشاجرة وادّعاء شخصي.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026