يُروى أن أبو محمد الجولاني قرر يدخل العهد الجديد بسوريا من نفس باب العهد القديم، لأنه شكله ناوي يطير من نفس الشبّاك.. والشيباني لاحقو عالدعسة وحابين يجربوا الريحة القديمة بعد ما غيروا دهان الباب!
أول شي عمله أبو محمد صار يوزّع المناصب بين أفراد عيلته وكأنها أوراق لعبة سوليتير.. معه أخوته ماهر وحازم وصهره محافظ دمشق.. هيك لحتى طل علينا وزير خارجيتو أسعد الشيباني، يلي قرر يخلي إخوته رأفت وسعد بمناصب كبيرة.. يعني باختصار صار عنا سوق مناصب عائلي مفتوح على مصراعيه!
واضح أنه «العهد الجديد» شاطر كتير بإعادة تدوير القديم، بس بلون جديد، وكأنو شعار هالعهد: «نغير الأسماء، ولا نغيّر العقلية»
الجولاني بدأ يثبت للجميع إنه العائلة أهم من الكفاءة، وإنه الخبرة العملية بتقدر تعوضها بالدم والمصاهرة
ماهر الشرع صار الأمين العام لرئاسة الجمهورية، منصب حساس جداً، يعني كل الأوراق السرية بتجي لعنده قبل ما تروح لأي مكتب آخر.
حازم، الأخ الغامض، ما في منصب رسمي لأله، بس صار واضح إنو عم يدير اقتصاد البلد بالظل
وزارة الخارجية كمان دخلت بسباق التعيين العائلي.. أسعد الشيباني عين أخوه رأفت مدير عام للمؤسسة العربية للدعاية والإعلان، واخوه التاني سعد حطو مستشار باللجنة الاقتصادية اللي بيرأسها عنصر أجنبي صار أشهر من نار على علم، السيد ابراهيم سكرية المعروف بأبو مريم الأسترالي، صاحب فضيحة «النسبة 80»
الإعلامي ماهر شرف الدين علق على «دكانة العيلة» بمنشور ساخر.. وكتب: لمناقشة ظاهرة الفساد والمحسوبيات في سوريا، اجتمع الجولاني مع شقيقه ماهر وشقيقه حازم وعديله ماهر مروان محافظ دمشق وابن عمّته عبد الرحمن دباغ، وابن عمَّة زوجته قتيبة بدوي مدير ميناء اللاذقية!
المشكلة الأكبر مو بس بالأسماء، المشكلة بالمفهوم.. الدولة صارت كأنها بيت لعيلة والقرارات المالية والسياسية عم تتاخد على مزاج أقارب الراس الكبير ومعاونه الشيباني
الاقتصاد.. السياسة.. الدبلوماسية؟ كلها صار فيها «لمسة شخصية».. وبالمختصر، المواطن العادي صار خارج المعادلة، وكل شيء تحت تصرف عائلات وأصدقاء مختارين.
هي السلسلة من التعيينات بتطرح سؤال منطقي جداً: شو الفرق بين العهد القديم والعهد الجديد؟
الإجابة، للأسف، صارت واضحة: الفرق الوحيد بالأسماء، أما العقلية والنهج، فما تغير شي.. تغيير من غير تغيير، وكأنو عم نعيد مشاهدة نفس الفيلم، بس مع ممثلين جدد!
أي محاولة للتغيير بلا مقاييس كفاءة حقيقية، بلا رقابة، بلا مشاركة شعبية، رح تضل مجرد مسرحية عائلية كبيرة، ولعبة محسومة مسبقاً، ومعروفة النتائج سلفاً!
.بالنهاية.. الواقع بيقول: العائلة أولاً، الدولة بعدين.. والمواطن رح يضل ضحية لعبة التعيينات العائلية
أعلنت اللجنة المنظمة لاعتصام "قانون وكرامة" استئناف حراكها السلمي عبر تنظيم اعتصام جديد أمام مبنى البرلمان في دمشق مساء السبت المقبل، متهمة السلطات الانتقالية بمواصلة تجاهل المطالب الشعبية وعدم اتخاذ خطوات جدية لمعالجة الأزمات السياسية والاقتصادية والخدمية التي تشهدها البلاد.
اليوم بسوريا صار في حدث استثنائي بكل المقاييس، حدث بيستاهل نشرات خاصة ومواكب رسمية وعدسات كاميرات، واستديوهات إخبارية للتحليل.. وبيستاهل كمان وفود دولية.. ويفضّل زعماء دول كانوا يجوا يشاركوا بهالإنجاز العظيم
دخل ملف الامتحانات العامة في محافظة السويداء مرحلة أكثر تعقيداً، بعد انتهاء اليوم الأول من امتحانات شهادتي التعليم الأساسي والثانوي وسط غياب شبه كامل للطلاب عن المراكز الامتحانية المعتمدة في ريف دمشق، ما يهدد بخسارة آلاف الطلبة لعامهم الدراسي الحالي.
أثارت حادثة هروب ثلاثة أسرى من مقر قيادة الحرس الوطني قرب ساحة تشرين في السويداء حالة من الغضب والاستياء في الأوساط المحلية والعسكرية، بعد معلومات أكدت أن عملية الفرار تمت بتواطؤ من عناصر مكلفين بحراستهم، ما أدى إلى سلسلة اعتقالات وإجراءات إدارية عاجلة.
الإمارات العربية المتحدة - دبي
info@xmedia-news.com
© X Media News. All Rights Reserved 2026