صار فيها الكذب والنفاق وإهانة وتجويع الناس سياسة رسمية
ببلد المسخرة يلي صار فيها الفقر امتحان صبر يومي.. والتطبيل علامة فارقة.. والفاشل بطل قومي
بهالبلد بعد ما قامت الدنيا وقعدت من غضب الفلاحين على تسعيرة القمح المهينة، وبعد ما حسّت السلطة إنه الناس بلشت تغلي جدياً، فجأة انطلقت جوقة التيكتوكرز والمطبلين.. بلشوا يحكوا عن إنسانية الجولاني، وإنه الرجل العظيم تحرك قلبه ع الفلاحين، ووافق يعطيهم كم ليرة زيادة كمكرمة! بس بعد ما رفع سعر الدولار و هيك بتكون لزيادة بلا طعمة لان اجت من رفع سعر الدولار و بالتالي لزيادة على الورق بس .
اتخيلوا… حق الناس صار مكرمة ومنحة.. وتعب الفلاح صار صدقة.. والأسوأ إنه حتى هالمكرمة طلعت بلا طعمة لأن جابوها من رفع سعر الدولار و فهمكون كفاية
هي هيي بلد المسخرة
البلد يلي بيطلع فيها مسؤول يوقع عقد ترميم لمشفى الكندي بحلب، ويحكي بكل وقاحة إنه النظام السابق دمّر المشفى بالقصف، وكأنه الناس فقدت ذاكرتها… وكأنه فيديوهات المفخخات اختفت
مشفى الكندي تحديداً دمّرته جبهة النصرة بالمفخخات والانتحاريين، والجماعة نفسهم اليوم قاعدين بالحكم وعم يعملوا حالهم جهة إعادة إعمار.. وهاد الفيديو شاهد على إجرامهم.. شوفو
شفتوا.. هي هيي بلد المسخرة، يلي انشالت عنها العقوبات الأوروبية والأمريكية وراح الضغط الدولي عنها، ورجع النفط والغاز بإيد السلطة، بس المواطن ما اتحسنت أحواله.. بالعكس غرق أكتر بالفقر والجوع.. وأسعار الكهربا والمحروقات والمواد الأساسية ولعت نار والليرة عم تنهار
ببلد المسخرة.. ألغوا عيد شهداء أيار… الشهداء يلي قاوموا الاحتلال العثماني وأعدمهم جمال باشا السفاح… حتى يفتحوا الباب لعودة العثماني الجديد.. وهيك صار التركي يحتفل بدمشق وصارت ذكرى الطيارين الأتراك أهم من شهداء سوريا أنفسهم.. التاريخ انقلب.. والمحتل صار ضيف شرف!
بلد المسخرة.. يلي كان فيها 71 مشفى حكومي يعالجوا الناس مجاناً، اليوم صاروا استثمارات خاصة للاتراك والرئيس الفعلي لسوريا أردوغان وعقيلته أمينة الغير أمينة..
بلد المسخرة.. يلي انهدمت بيوت أهلها بالحرب، ولما سقط النظام ما شفنا خطط إعمار ولا تعويضات ولا دعم للناس… شفنا قطر داخلة تستثمر بالخراب نفسه الي ساهمت فيه.. وعم تتقاسم مع شركاء الخراب عقود الطاقة والمطارات والنفط وخط الغاز الي كانت تحلم فيه..
بلد المسخرة… يلي إسرائيل صارت تفوت وتطلع فيها براحتها، وتسيطر على مئات الكيلومترات، وتوصل لتخوم دمشق، بينما الفاتحين مشغولين يستعرضوا قوتهم على المدنيين، ويروحوا يكبروا بحارات المسيحيين بباب توما.
بلد المسخرة.. يلي بيطلع فيها عنصر أمن عام يقتل إنسان قدام الكاميرا بكل جرأة، ويتفاخر بأنه قتله ثأراً لأخوه، من دون لا حساب ولا عقاب..
شكلو أمجد يوسف بعد كل إجرامه ما بيطلع نقطة ببحر هيك عناصر عودتنا من لما سيطرت عالبلد تصور حالها وهيي عم ترتكب المجازر وتفتخر بفعلتها..
يمكن الفرق الوحيد بين أمجد يوسف وهاد العنصر أنه أمجد انفضح بمجزرة كاملة، وهاد وغيرو لساتنا ما منعرف قديش وراهون ضحايا!
وإذا كنت مفكر إنه هي نهاية المسخرة… لا، لساتنا بالبداية.. لأنه ببلد المسخرة نفسها بيطلعلك قتيبة البدوي، الملقب بالمغيرة بنش.. شخصية لحالها ملف كامل من التناقضات والصراعات والتسجيلات والخلافات الداخلية و كلو عنا .. خلافاته مع أبو مريم الأسترالي، ورسائل المسبة على ابو مريم و الجولاني يلي بيبعتها على الواتس ل ابو مريم و ابو مريم بيفرودها للجولاني و الفاتح الجولاني بدال ما تنقز عليه كرامتو بيقلو ل ابو مريم لاقي حل معو ما تزعلو .
والتخوين والصراع بين أمراء المرحلة يلي بلش يطلع عالسطح و رح ننشرو حبة حبة يعني شوي شوي .. كل هاد مو قصص جانبية.. هاد وجه السلطة الحقيقي.. وحضّروا حالكم على ملف مرتب قريباً للفظيع المسيطر الي ما بيسترجي الجولاني يزعلو
أبو الفداء البدوي
او المغيرة بنش
أبو حمزة بنش.. الفظيع قتيبة أحمد البدوي والسلام لسوريا
بعد مرور عام على مجازر السويداء في تموز/يوليو 2025، لا تزال المحافظة تعيش تداعيات أمنية وإنسانية واقتصادية معقدة، في ظل استمرار معاناة آلاف النازحين وأصحاب المنازل المدمرة، وتراجع فرص الوصول إلى حلول سياسية أو قضائية تنهي حالة الاحتقان.
كشفت شبكة أكسيوس، نقلاً عن مسؤولين أمريكيين وإسرائيليين، أن الرئيس الأمريكي دونالد ترامب طلب من رئيس الوزراء الإسرائيلي بنيامين نتنياهو البدء بإعادة انتشار القوات الإسرائيلية خارج الأراضي السورية، واتخاذ خطوة مماثلة في لبنان، وذلك خلال اتصال هاتفي جرى بينهما الخميس الماضي.
بالسويداء.. الحكاية ما كانت طوال سنوات الحرب مجرد رفض للتبعية للنظام السابق، أو حتى لفصائل المعارضة بوقتها.. رغم وجود بعض التيارات السياسية والحركات المسلحة الي ناصرت أحد طرفي الحرب
تستعد محافظة السويداء، غداً الأربعاء، لإحياء الذكرى السنوية الأولى لأحداث ومجازر "أسبوع تموز الأسود"، وسط أجواء من الحداد واستمرار التوترات التي خلّفتها تلك الأحداث، بالتزامن مع تصاعد حملات التحريض وخطابات الكراهية الموجهة ضد أبناء الطائفة الدرزية عبر بعض المنصات الإعلامية ومواقع التواصل الاجتماعي.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026