منشورات عالأرصفة
تهديدات وتحريض وقتل وسحل بالشوارع
خوف عم يسري بكل مكان بسوريا
وتهمة «الشبيح» صارت صك إدانة جاهز لكل مخالف أو حتى شاءت الظروف أنه كان ساكن بمناطق نظام الأسد سابقاً!
البلد غرقان بالفوضى والتصفيات خارج نطاق القانون.. حتى الجولاني شخصياً متخبي ورا حراسه.. ولمرة وحدة بس استرجى يطلع يصلي خارج القصر.. بجامع حلب عمل طوق أمني حوليه وفصل بينه وبين المصلين بالصف الخلفي، بمشهد ما شفنا إله مثيل بكل دول العالم
السلطة عاجزة أو هيك بدها.. مفرّغة الدولة من معناها..
تركت الشارع ياكل بعضه.. بدير الزور، حلب، إدلب وباقي المحافظات المشهد واحد..
بمدينة حلب ناس نزلوا عالشارع وهتفوا: «قولوا للشبيحة الحلبية دبيحة»
بالنبك الموضوع تطور أكتر ضربوا زلمة لمجرد إنه كان بيشتغل بمجال الصحافة ضد المعارضة سابقاً
وباللاذقية وجبلة سهل الغاب سيارات مجهولة عم ترمي منشورات بتهدد الناس: يا بتهاجروا يا بتلزموا بيوتكم لبينما نوصلكم!
بإدلب ضرب سحل وقتل لمدنيين متهمين بالولاء للنظام السابق..
عصابات عالسوشيال ميديا عم تحرض وتقرر مين بيعيش ومين بيموت.. والضحايا مدنيين، عجزة بمنازلهم وأمام عيون عوائلهم
الشارع اليوم صار هو القاضي والجلاد والمنفذ.. وهاد التشبيح الجديد ما رح يبني دولة، هاد عم يعيد إنتاج نفس العنف اللي السوريين دفعوا تمنه دمار لسنوات.. والدولة اللي ما بتحكمها المحاكم بتحكمها الأحقاد.. ونتيجة الأحقاد معروفة!
السلطة عم تتفرج.. ما بدها عدالة، لأن العدالة الحقيقية بتفضحها وبتكشف فسادها ورح تطالها
بدل القضاء صار في «عدالة شوارع».. وبدل المحاكم صرنا بمحاكمات ميدانية
الحقيقة باختصار أنه هدول الجماعة الي حاكمين سوريا مو قادرين يديروا زريبة لحتى يديروا بلد..
من أول يوم وهنن غرقانين بفسادهم وجرائمهم وفكرهم المتطرف.. وعودهم كذب ومشاريعهم وهم ومسؤوليهم عم يقدموا امتحانات تعليم أساسي.. وفهمكم كفاية!
الاستثمارات.. حدث ولا حرج.. هي رجل الأعمال الإماراتي خلف الحبتور هرب وغيره كتار سبقوه بالانسحاب من سوريا بس هو أشهرهم.. والباقي عم يحسبوا خطواتهم لبرا.. لأن باختصار ماحدا بيستثمر بغابة!
داعش عم يتمدد من درعا لدير الزور وحلب وإدلب ومنشوراته «ثورة حتى القصر» عبت الشوارع.. المقاتلين الأجانب المتطرفين وخاصة الأوزبك بلشوا يضجّوا ويتوعدوا السلطة.. بلد منهار وعايش تحت الرعب مو معروف مين مع مين ومين ضد مين..
سلطة بعد ما نكّلت بالمكونات الدينية والعرقية من علويين ودروز ومسيحيين وأكراد.. اليوم عم تتغافل او تتعامى عن فلتان أنصارها السلفيين بالمناطق السنية والاعتداءات بهي المناطق ذكرناها من شوي.. فهيك سلطة شو ضل من رصيدها؟!
سلطة عم باعت أصول البلد السيادية وثرواتها لشركات أجنبية من قطر لتركيا لأمريكا.. وفقّرت وجوعت الناس وفرضت عليهم فواتير وضرائب بالهبل.. هيك سلطة شو ضل من رصيدها؟!
عرض مسرحي استمر لسنة ونص.. بس شكلها الستارة رح تنزل عن قريب!
لما السلطة بتعجز عن حماية مدني ببيته.. لما بيصير القتل وجهة نظر.. لما الزعيم بيتخبى بـ«حراسة مشددة»
اعرفوا إنه الزوال صار مسألة وقت.. ومشروع هيك سلطة انتهى بعد ماصار وجودها عبء عالجغرافيا السورية
كشف رئيس الوزراء الإسرائيلي بنيامين نتنياهو بصورة مباشرة عن الرؤية الإسرائيلية للتحركات العسكرية داخل سوريا، معلناً أن تل أبيب أبلغت كلاً من دمشق وأنقرة بأنها لن تسمح بتقدم القوات السورية أو التركية جنوباً، وأنها مستعدة لاستخدام القوة لفرض ما تعتبره «خطوطاً حمراء».
أثار غياب "العلم السوري" عن قلعة حلب بالتزامن مع زيارة مسؤولين أتراك إلى المدينة موجة من الانتقادات والتساؤلات على مواقع التواصل الاجتماعي، وسط مطالبات بتوضيح الجهة المسؤولة عن إزالة العلم من أحد أبرز المعالم التاريخية والسيادية في سوريا.
كشفت مصادر سورية مطلعة عن توجيهات جديدة مرتبطة بمنح وثيقة «لا مانع» للتصرفات العقارية في سوريا، وسط اتهامات باستخدام هذه الآلية لفرض قيود على بيع وشراء ورهن العقارات على أساس الانتماء الطائفي، ولا سيما بحق مواطنين من أبناء الطائفة الشيعية، وفق ما أوردته صحيفة «الأخبار».
نهت إدارة الرئيس الأمريكي دونالد ترامب تصنيف سوريا دولة راعية للإرهاب، في خطوة تعكس تحولاً كبيراً في السياسة الأمريكية تجاه دمشق، بعد أن اعتبرت واشنطن أن حكومة الجولاني اتخذت إجراءات كافية في ملفات تنظيم «داعش» وإيران وحزب الله لتبرير رفع التصنيف الذي لازم سوريا منذ عام 1979.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026