منشورات عالأرصفة
تهديدات وتحريض وقتل وسحل بالشوارع
خوف عم يسري بكل مكان بسوريا
وتهمة «الشبيح» صارت صك إدانة جاهز لكل مخالف أو حتى شاءت الظروف أنه كان ساكن بمناطق نظام الأسد سابقاً!
البلد غرقان بالفوضى والتصفيات خارج نطاق القانون.. حتى الجولاني شخصياً متخبي ورا حراسه.. ولمرة وحدة بس استرجى يطلع يصلي خارج القصر.. بجامع حلب عمل طوق أمني حوليه وفصل بينه وبين المصلين بالصف الخلفي، بمشهد ما شفنا إله مثيل بكل دول العالم
السلطة عاجزة أو هيك بدها.. مفرّغة الدولة من معناها..
تركت الشارع ياكل بعضه.. بدير الزور، حلب، إدلب وباقي المحافظات المشهد واحد..
بمدينة حلب ناس نزلوا عالشارع وهتفوا: «قولوا للشبيحة الحلبية دبيحة»
بالنبك الموضوع تطور أكتر ضربوا زلمة لمجرد إنه كان بيشتغل بمجال الصحافة ضد المعارضة سابقاً
وباللاذقية وجبلة سهل الغاب سيارات مجهولة عم ترمي منشورات بتهدد الناس: يا بتهاجروا يا بتلزموا بيوتكم لبينما نوصلكم!
بإدلب ضرب سحل وقتل لمدنيين متهمين بالولاء للنظام السابق..
عصابات عالسوشيال ميديا عم تحرض وتقرر مين بيعيش ومين بيموت.. والضحايا مدنيين، عجزة بمنازلهم وأمام عيون عوائلهم
الشارع اليوم صار هو القاضي والجلاد والمنفذ.. وهاد التشبيح الجديد ما رح يبني دولة، هاد عم يعيد إنتاج نفس العنف اللي السوريين دفعوا تمنه دمار لسنوات.. والدولة اللي ما بتحكمها المحاكم بتحكمها الأحقاد.. ونتيجة الأحقاد معروفة!
السلطة عم تتفرج.. ما بدها عدالة، لأن العدالة الحقيقية بتفضحها وبتكشف فسادها ورح تطالها
بدل القضاء صار في «عدالة شوارع».. وبدل المحاكم صرنا بمحاكمات ميدانية
الحقيقة باختصار أنه هدول الجماعة الي حاكمين سوريا مو قادرين يديروا زريبة لحتى يديروا بلد..
من أول يوم وهنن غرقانين بفسادهم وجرائمهم وفكرهم المتطرف.. وعودهم كذب ومشاريعهم وهم ومسؤوليهم عم يقدموا امتحانات تعليم أساسي.. وفهمكم كفاية!
الاستثمارات.. حدث ولا حرج.. هي رجل الأعمال الإماراتي خلف الحبتور هرب وغيره كتار سبقوه بالانسحاب من سوريا بس هو أشهرهم.. والباقي عم يحسبوا خطواتهم لبرا.. لأن باختصار ماحدا بيستثمر بغابة!
داعش عم يتمدد من درعا لدير الزور وحلب وإدلب ومنشوراته «ثورة حتى القصر» عبت الشوارع.. المقاتلين الأجانب المتطرفين وخاصة الأوزبك بلشوا يضجّوا ويتوعدوا السلطة.. بلد منهار وعايش تحت الرعب مو معروف مين مع مين ومين ضد مين..
سلطة بعد ما نكّلت بالمكونات الدينية والعرقية من علويين ودروز ومسيحيين وأكراد.. اليوم عم تتغافل او تتعامى عن فلتان أنصارها السلفيين بالمناطق السنية والاعتداءات بهي المناطق ذكرناها من شوي.. فهيك سلطة شو ضل من رصيدها؟!
سلطة عم باعت أصول البلد السيادية وثرواتها لشركات أجنبية من قطر لتركيا لأمريكا.. وفقّرت وجوعت الناس وفرضت عليهم فواتير وضرائب بالهبل.. هيك سلطة شو ضل من رصيدها؟!
عرض مسرحي استمر لسنة ونص.. بس شكلها الستارة رح تنزل عن قريب!
لما السلطة بتعجز عن حماية مدني ببيته.. لما بيصير القتل وجهة نظر.. لما الزعيم بيتخبى بـ«حراسة مشددة»
اعرفوا إنه الزوال صار مسألة وقت.. ومشروع هيك سلطة انتهى بعد ماصار وجودها عبء عالجغرافيا السورية
حذّر الدبلوماسي السوري السابق بسام بربندي من وجود صدام حتمي بين منظومتين تديران المشهد السوري حالياً، معتبراً أن التناقض بين أهدافهما السياسية والاقتصادية يهدد الاستقرار ومستقبل المرحلة الانتقالية في سوريا.
كشف الفنان السوري باسم ياخور عن تفاصيل مهمة من بداياته الفنية، متحدثاً عن تجربة تقدمه إلى المعهد العالي للفنون المسرحية، والظروف التي ساعدته على شق طريقه في عالم التمثيل، وذلك خلال ظهوره في بودكاست "أثر" مع الفنان أيمن زيدان.
بـ 2025.. أدى الجولاني صلاة عيد الفطر والأضحى داخل القصر، بعيد عن الناس. ليش؟ لأنه أبو محمد خايف.. خايف من رفاق السلاح، خايف من «الجماعات المتشددة» اللي هو نفسه ربّاها، واللي اليوم صاروا بيشوفوا فيه خاين باع القضية للغرب.. وباع «الجهاد» كرمال كرسي
تشهد عدة محافظات سورية موجة احتجاجات متصاعدة للمطالبة بمحاسبة المتورطين في انتهاكات وجرائم ارتُكبت خلال عهد النظام السابق، وسط تزايد التحذيرات من أعمال انتقامية وأحكام ميدانية خارج إطار القضاء والقانون.
الإمارات العربية المتحدة - دبي
info@xmedia-news.com
© X Media News. All Rights Reserved 2026
