من وقت سقوط نظام الأسد وصول الجولاني للحكم بدمشق، جماعة السلطة المتطرفة مشوا بفكرة أنه راح الطاغية المجرم وإجا أبو محمد الكيوت.. وبلّشت معركة جديدة أخطر من كل المعارك الي صارت بسوريا خلال الـ 14 سنة الماضية.
معركة على الاسم والرمز والتاريخ.. معركة على اسم ضل لعقود واحد من أعمدة الجيوش العربية: الجيش العربي السوري.
جيش تأسّس سنة 1945 مع ولادة الدولة السورية الحديثة، وخاض حرب الـ48 وحرب الـ 67 وحرب الـ73.. جيش أوقف الحرب الأهلية بلبنان واصطدم مع إسرائيل باجتياح لبنان 1982..وساند الكويت وحمى حدود السعودية ضد الاجتياح العراقي.
جيش كان واحد من جيشين عربيين بس، حافظوا على بنية مؤسساتية كاملة: الجيش المصري والجيش السوري.
ورغم كل يلي صار فيه خلال الحرب السورية، ورغم كل يلي لحق فيه من إنهاك وتسييس وتفكك، ضلّ اسمه بالوعي العربي رمز لجيش نظامي، عندو عقيدة عسكرية وتسلسل قيادي وهيكل واضح.
بس يلي عم يصير اليوم بسوريا شي تاني تماماً.. السلطة الحالية بقيادة الجولاني عم تحاول تعيد تسويق عصاباتها المتطرفة والغوغائية على أساس إنها الامتداد الشرعي لهاد الجيش.
قطر وتركيا الدول الراعية للجولاني بالتعاون مع الاستخبارات البريطانية قادوا عملية غسل ماضي هالعصابات، ومحاولة إلباسهم توب واسم الجيش العربي السوري.. وشغّلوا أذرعهم من تيكتوكرز ومطبلجية للترويج لهدول المرتزقة أنهم الجيش العربي السوري.. هالاسم النضيف الي عملوا على تشويه صورته على مدى ١٤ سنة من خلال فكرة انه هاد الجيش عم يقتل الشعب.. بينما هاد الجيش كان عم يحارب الارهاب وهدول الإرهابيين لوحده، لحد ما غدروا فيه كل الدول وفككوه وتركوا الارهابيين ينتشروا.. وبلشنا نشوف تداعيات بداية انتشار فكر هيك جماعة بالعالم العربي!.
التشكيلات يلي عم يتم تقديمها اليوم كجيش عربي سوري هيي بقايا تنظيمات طالعة من عباءة القاعدة وداعش، ومن شبكات جبهة النصرة ومن بقايا الجماعات الجهادية العابرة للحدود.
وأسماء هي التشكيلات وقادتها وعناصرها موثقة بتقارير مراكز الأبحاث الدولية.. مرتزقة ومتطرفين من آسيا الوسطى، وأوزبك وشيشان وأويغور، ظهروا بسوريا من سنة 2012، وقاتلوا تحت رايات جهادية عابرة للحدود.
واليوم هدول صاروا تشكيلات عسكرية وقاداتهم عم يستلموا مواقع عسكرية وإدارية، وبينطلب من السوريين يصدقوا إنه هاد هو الجيش العربي السوري.
بس الجيش الوطني ما بينجاب من القوقاز وآسيا الوسطى.. الجيش الوطني ما بينبنى بشبكات جهاد عابرة للقارات.. والجيش الوطني ما بيتحوّل لسوق مرتزقة.
كتير من هالتنظيمات والفصائل نفسها ظهرت قبل بحروب الوكالة الإقليمية واستخدمتن تركيا بحروبها بأذربيجان وليبيا.
تكرار استخدام مصطلح «الجيش العربي السوري» بكل تحرك لهالعصابات مو صدفة.. هي محاولة للاستيلاء على الاسم.
بس الأسماء الكبيرة ما بتنسرق بسهولة.. الجيش العربي السوري كان مؤسسة عسكرية لدولة.. إله كليات عسكرية وهيكل قيادي وتقاليد عمرها عقود.
أما الميليشيات العابرة للحدود فمهما تغيّرت أساميها بتضل بنظر العالم ميليشيات وعصابات ومرتزقة.
رسالتنا اليوم للسوريين الوطنيين يلي لساتهم مؤمنين بفكرة الدولة، وللعرب يلي بيعرفوا معنى الجيوش الوطنية.. يلي عم تشوفوه اليوم بسوريا مو الجيش العربي السوري.. الجيش ما بينبنى من فلول القاعدة،
ولا من شبكات المرتزقة، الجيش بينبنى من أبناء الوطن ومن عقيدة وطنية ومن دولة حقيقية.. وغير هيك هاد مو جيش عربي سوري!.
هدول مرتزقة العصر.. ومعهم من ارتضى على نفسه من «السوريين» أنه يكون مرتزق بينهم.. هدول الي عم تحاول أضخم الدول الخليجية الكبرى تستخدمهم بحربها ضد اليمن.. هدول مرتزقة توم براك الي حاول غسلهم وغسل قذارتهم وبخبخة العطر عليهم هو ومعلمه ترامب على مدى عام وفشلوا ورح يفشلوا.
وين ما بتشوفوهم أو بتشوفوا افعالهم ابصقوا بوجهن ولا تنادوهم إلا باسماءهم الصريحة والمعلنة.. هدول إرهابيين وين ماكانوا ورح يبقوا إلى أن يأتي زمن زوالهم القريب.. واشهدوا على كلامي!.
كشف رئيس الوزراء الإسرائيلي بنيامين نتنياهو بصورة مباشرة عن الرؤية الإسرائيلية للتحركات العسكرية داخل سوريا، معلناً أن تل أبيب أبلغت كلاً من دمشق وأنقرة بأنها لن تسمح بتقدم القوات السورية أو التركية جنوباً، وأنها مستعدة لاستخدام القوة لفرض ما تعتبره «خطوطاً حمراء».
أثار غياب "العلم السوري" عن قلعة حلب بالتزامن مع زيارة مسؤولين أتراك إلى المدينة موجة من الانتقادات والتساؤلات على مواقع التواصل الاجتماعي، وسط مطالبات بتوضيح الجهة المسؤولة عن إزالة العلم من أحد أبرز المعالم التاريخية والسيادية في سوريا.
كشفت مصادر سورية مطلعة عن توجيهات جديدة مرتبطة بمنح وثيقة «لا مانع» للتصرفات العقارية في سوريا، وسط اتهامات باستخدام هذه الآلية لفرض قيود على بيع وشراء ورهن العقارات على أساس الانتماء الطائفي، ولا سيما بحق مواطنين من أبناء الطائفة الشيعية، وفق ما أوردته صحيفة «الأخبار».
نهت إدارة الرئيس الأمريكي دونالد ترامب تصنيف سوريا دولة راعية للإرهاب، في خطوة تعكس تحولاً كبيراً في السياسة الأمريكية تجاه دمشق، بعد أن اعتبرت واشنطن أن حكومة الجولاني اتخذت إجراءات كافية في ملفات تنظيم «داعش» وإيران وحزب الله لتبرير رفع التصنيف الذي لازم سوريا منذ عام 1979.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026