روض عسكرية وأمنية ومسيرات استعراضية وعرض عضلات بشوارع دمشق.. أنس خطاب باسمه الي بيلبقله أكتر من أيام داعش «أبو أحمد حدود»، عم يخبي ورا هالعنتيرات رواية تانية.. رح نحكي عنها بعد شوي
كل هالعرض والاستعراض بعد تجميع الإرهابيين ومخلفات القاعدة وداعش والنصرة بوزارة داخلية هو إرهاب أمني عسكري بترافق مع ارهاب اقتصادي بقيادة ابو مريم الأسترالي الي أخد دور يسار ابراهيم بس هالمرة باسم واحد إرهابي بتصنيف عالمي
المفيد والأهم أنه كل هالألبندا والعنتريات بتنهار أمام المعلومات الاستخباراتية الي حصلت عليها منصتنا عن الهريان والاختراق داخل مفاصل سلطة أبو محمد الجولاني
تغلغل واسع لأجهزة استخبارات أجنبية بسوريا، البلد الي كانت عصية ع هيك اختراقات مستفحلة، خاصة بالجنوب السوري.. المخابرات الأردنية عم تنسج شبكة علاقات مباشرة مع العشائر والعائلات بدرعا، وعم تعيد رسم خرائط النفوذ هنيك بهدوء
بالقصر.. الحاكم ما عم ينام.. من حوالي 10 أيام الجولاني ما نام ولا ليلة بمقر إقامته، مع إجراءات أمنية استثنائية.. تبديل دائم بنوبات الحراسة، ودوريات مشاة ما عم توقف حوالين القصر.. والسبب مخاوف من عملية اغتيال مدبرة ومنظمة عم تقترب باتجاه أسوار الحكم!
وبنفس الوقت يلي مفروض يكون فيه قادة الصف الأول بمواقعهم العسكرية، قادة الفرقة 84 و«المهاجرين» عم يفضلوا الإقامة بفنادق دمشق الفخمة
السبب مو رفاهية.. السبب خوف من طائرات مسيّرة ممكن تنهي كل شي بثواني.
أما على مستوى القيادة العسكرية فالتصدعات صارت علنية.. قادة «الجيش الوطني» المحسوبين على تركيا من أمثال ابو عمشة وسيف بولاد بلّغوا مرهف ابو قصرة رفضهم تلقي اي أوامر من سيبان حمو، القيادي القسدي الي صار معاون وزير دفاع بعد الاتفاق مع الكرد..
وفوق هي المؤشرات الكبيرة على تفكك البنية العسكرية من الداخل وصلت أيضاً تقارير مؤكدة عم تحكي عن عودة تنظيم داعش بشكل سري ليبرود والقلمون والنبك، وأنه التنظيم رجع يرتب صفوفه وحوّل الجبال هنيك لحصون مغلقة.. ومفاصل المدن لنقاط نفوذ خفية
وبدمشق القلق عم يكبر من سيناريو أعقد.. في مخاوف داخل الدائرة الضيقة للسلطة من هجوم محتمل بيستهدف المسيحيين، مو بس كجريمة، بل كأداة لتوريط الجولاني وتشويه صورته قدام الغرب.. مع أنه مو بحاجة لتشويه يعني!
وبحمص.. الحكي عم يدور عن مؤامرة دامية ممكن تستهدف المكون العلوي خلال أيام عيد الفطر.. سيناريو ممكن يفجّر الوضع طائفياً بشكل واسع
حماة كمان على صفيح ساخن.. في معلومات عم تحكي عن انتفاضة مرتقبة من داخل الجوامع ضد التيارات السلفية المتشددة
أما الشرق السوري فصار فعليًا خارج المعادلة.. دير الزور والرقة خارج سيطرة الجولاني بالكامل، مع تصاعد الرفض الشعبي.. وشتائم علنية عم تنقال ضده بدون خوف
بالمحصلة.. نحنا قدام سلطة عم تستعرض قوتها بالشوارع، بس عم تفقد السيطرة بالعمق
والسؤال يلي بيفرض حاله بالنهاية: هل نحنا قدام عملية تثبيت حكم مستعصية.. أم عدّ تنازلي لانهيار أكبر لهيك حكم؟
كشف رئيس الوزراء الإسرائيلي بنيامين نتنياهو بصورة مباشرة عن الرؤية الإسرائيلية للتحركات العسكرية داخل سوريا، معلناً أن تل أبيب أبلغت كلاً من دمشق وأنقرة بأنها لن تسمح بتقدم القوات السورية أو التركية جنوباً، وأنها مستعدة لاستخدام القوة لفرض ما تعتبره «خطوطاً حمراء».
أثار غياب "العلم السوري" عن قلعة حلب بالتزامن مع زيارة مسؤولين أتراك إلى المدينة موجة من الانتقادات والتساؤلات على مواقع التواصل الاجتماعي، وسط مطالبات بتوضيح الجهة المسؤولة عن إزالة العلم من أحد أبرز المعالم التاريخية والسيادية في سوريا.
كشفت مصادر سورية مطلعة عن توجيهات جديدة مرتبطة بمنح وثيقة «لا مانع» للتصرفات العقارية في سوريا، وسط اتهامات باستخدام هذه الآلية لفرض قيود على بيع وشراء ورهن العقارات على أساس الانتماء الطائفي، ولا سيما بحق مواطنين من أبناء الطائفة الشيعية، وفق ما أوردته صحيفة «الأخبار».
نهت إدارة الرئيس الأمريكي دونالد ترامب تصنيف سوريا دولة راعية للإرهاب، في خطوة تعكس تحولاً كبيراً في السياسة الأمريكية تجاه دمشق، بعد أن اعتبرت واشنطن أن حكومة الجولاني اتخذت إجراءات كافية في ملفات تنظيم «داعش» وإيران وحزب الله لتبرير رفع التصنيف الذي لازم سوريا منذ عام 1979.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026