والله شكلها الـ«already» عم تاخد مفعولها
work it أبو محمد لا تستحي!
شكله طريق القدس طلع بيمر من صالة الفيحاء وعلى أنغام +18 يا أمير المؤمنين!
بس واضح الفرق بإصابة الأهداف بين المباشر وبين التسجيل!
أهلا وسهلا فيكن بصالة الفيحاء، المكان اللي عم ينكتب فيه التاريخ برمية طابة.. أو هيك تهيأ للشيخ أبو محمد
المشهد كان كوميدي بامتياز.. واقف المعلم ببدلته المودرن وعم يحاول يصيب السلة، بس الطابة عصلجت معه.. محاولة فاشلة، وراها التانية، وراها التالتة.. يبدو إنه توفيقات الله اللي كانت مرافقة تسجيلاته الهوليودية مع الضباط الأمريكان قررت تاخد إجازة!
شكله المقطع القديم اللي طلع فيه عم يلعب باحترافية، عادوه مية مرة لزبطت معه الطابة، أما اليوم وقدام البث المباشر اللي ما بيرحم اكتشفنا إنه القائد مو عرفان يشلف شلفة صح من مسافة مترين.. باختصار دقة إصابة الأهداف بتفرق كتير لما بيغيب المونتير المحترف!
بس الفضيحة الكبيرة ما كانت بسلة الجولاني.. الفضيحة كانت بـ«هز الخصر» تبع هيئة تحرير الشام او هيئة تحرير الخصر!
يعني تخيلوا معي إخوة الجهاد قاعدين بكل وقار، وصالة الفيحاء عم ترج على أغنية Work It الخلاعية للمغنية الأمريكية ميسي إليوت.
والمضحك أكتر هي ردود فعل المشايخ الانتحاريين.. المحيسني صار يدعو بالمغفرة لمنظمي الحفل!
أما الذهبي كان رح يطق عقله وهو عم يشوف أمير المؤمنين بوضع محرج أمام أغنية كلها فواحش والعياذ بالله وفوق منها «هزي بخصرك هزي» واختلاط وعورات وسافرات.. يييي يييي.
معقول المنظمين جابوا ميسي إليوت من ورا ضهر الخليفة اللي كان باين أنه مبسوط بالعرض!
بعيداً عن المسخرة.. نحن أمام مشهد بيلخص «نظرية وكر الأفاعي» بالحرف، لعراب الجولاني السيد البريطاني جوناثان باول.. الي قدر ينقل أبو محمد من عمامة أسامة بن لادن لمنصات رقص وموسيقى وفوق منها موسيقى رخيصة كمان..
الشباب شافوا بعيونهم كيف المبادئ بتصير بضاعة للبيع والشراء.. نحن مانا قدام تطور سياسي، نحن قدام أشطر ممثل مر على المنطقة من عشرات السنين.. زلمة بيبدل جلده مع كل موسم، وتارك وراه آلاف الشباب اللي ضاعت أعمارهم كرمال أوهام «دولة خلافة» انتهت بحفلة رقص!
والسؤال اللي بيحرق القلب: يا ترى هي هيي الأولويات؟!
ببلد منتهي اقتصادياً والناس لساتها بالخيام عم تموت من البرد بتطلع السلطة لتصرف المليارات على ترميم صالة ترممت مية مرة قبل هيك..
لما الناس بتطالب بحقوقها، بيطلعوا بيقولولهم «مو وقته هلأ اعطوا السلطة وقتها».. بس لما القصة بتتعلق بتلميع صورة الزعيم والاستعراض بمواكب سيارات الدفع الرباعي والاحتفالات الضخمة، بيصير الوقت متاح والمصاري عم تلعب لعب!
هاد البذخ فوق وجع السوريين وجوعهم، أكبر دليل إنه هالسلطة بوادي والناس بوادي تاني خالص
بالنهاية صالة الفيحاء كشفت المستور.. الشيخ الي ضيّع السلة، ضيّع معها شعب بعد ١٤ سنة حرب أهلية ليثبت أنه كل الدم الي نزل كان مجرد تمن لكرسي ومقعد بحفل رقص صاخب فوق أنقاض كرامة السوريين!
أعلن الرئيس الأميركي دونالد ترامب تمديد وقف إطلاق النار مع إيران، في خطوة تهدف إلى إفساح المجال أمام استكمال المسار التفاوضي، رغم إبقاء واشنطن على الحصار المفروض على الموانئ الإيرانية.
لا يتقبّل لبنان فرض ما يُعرف بـ"الخط الأصفر" الإسرائيلي في الجنوب، خصوصاً مع ما يحمله من اقتطاع لمساحات واسعة تمتد على طول نحو 50 بلدة، وما يرافقه من نزوح للأهالي من الناقورة حتى تخوم بلدات العرقوب، في مشهد يعيد إلى الأذهان تجربة "الشريط الحدودي" التي استمرت بين عامي 1978 و2000.
وجّه طلاب شهادة التعليم الثانوي (البكالوريا) – دورة 2025 في محافظة السويداء مناشدة حقوقية وإنسانية، سلّطوا فيها الضوء على معاناتهم نتيجة عدم الاعتراف بشهاداتهم حتى الآن، رغم تقديمهم الامتحانات الرسمية بإشراف مديرية التربية في المحافظة.
أعلن الرئيس الأميركي دونالد ترامب أنّه لا يعتزم تمديد وقف إطلاق النار مع إيران، مؤكداً أن الولايات المتحدة "لا تملك متسعاً من الوقت"، في وقت تتجه فيه الأنظار إلى جولة مفاوضات مرتقبة في إسلام آباد وسط غموض بشأن مشاركة طهران.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026