تسريبات مقصودة.. غضب مبرمج.. وذاكرة بدن إياها تكون عورة!
الجولاني عم يفتح دفاتر نظام الأسد القديمة.. مو كرمال العدالة، بس ليبيعكن وهم البراءة!
ذباب بشري وإلكتروني عم يبخ طائفية بعروقكن.. والهدف أنه يشغلكن عن فشل السلطة الجديدة
عم يقدمولكن نصف الحقيقة.. ونحنا هون لنعطيكن الحقيقة كاملة
الحرب الأهلية بسوريا ما رحمت حدا.. والتوحش ما كان حكر على طرف واحد.. وما بيحق لمجرم قرر يغير جلده اليوم يمثل دور القاضي الشريف
شوفوا الوجه التاني يلي عم يحاولوا يمسحوه من ذاكرتكن
بالدفاتر المنسية من ذاكرة الحرب السورية كان في خالد الحمد الملقب بأبو صقار.. أحد قيادات جبهة النصرة، آكل القلوب والأكباد الي ظهر بفيديو شهير عام 2013 وهو عم يشق صدر جندي سوري ويقتلع قلبه وياكله أمام الكاميرا
بالدفاتر المنسية.. انصدم العالم بمشاهد من دوما عام 2015.. وقتها حط فصيل جيش الإسلام مدنيين وعساكر بيناتن نساء وأطفال بـ«أقفاص حديدية» وفتل فيهن بالشوارع.. هنيك بدوما مطرح ما كان «سجن التوبة» الي ما رجع منه مخطوف عايش إلا كل طويل عمر
وفي مجزرة خان العسل بـ2013 وإعدام أكتر من 50 جندي سوري سحلاً ورمياً بالرصاص بعد استسلامهم.. وانتشرت فيديوهات أظهر الفصائل وهنن عم يركلوا الجثث ويهينونها
بمعرة مصرين الكل شاف فيديو بيوثق قيام جبهة النصرة بإعدام مرأة ميدانياً وبدم بارد أمام الناس، باستعراض للتوحش ماله أي علاقة بالدين أو العدالة
هالمشاهد ما كانت حوادث فردية.. كانت نهج شفناه بفيديوهات توثيقية بسراقب وإدلب لمقاتلي المعارضة والنصرة وهنن عم يضربوا ويدبحوا جنود مستسلمين، بانتهاك صارخ لكل قوانين الحرب
وبحلب كانت الإعدامات الجماعية للموالين للنظام عم تصير قدام كاميرات الموبايل.. مشاهد وثقت كيف وحوش المعارضة والتطرف كان القتل والتعذيب عندهم أهون من شربة مي
هي هيي الذاكرة يلي عم يحاول الذباب البشري للسلطة الحالية يمحيها.. عم يستغلوا وجع السوريين من نظام الأسد ليصبغوا الصراع بلون طائفي ويوهموا الناس إنه القتل كان بس من طرف واحد
نحنا هون لنقول: الظلم ما بيبرر الظلم، والجريمة ما بتسقط بالتقادم لو شو ما تغيرت المسميات.. من نصرة لهيئة لسلطة أمر واقع!
محاولة توجيه الغضب الشعبي للماضي وبس، هي خطة لتعمية العيون عن الفشل الحالي بتأمين الخبز والأمان والكرامة
بالنهاية بناء سوريا الجديدة ما بيمر عبر «تسييس الجثث» أو اللعب عالوتر الطائفي.. الطريق الوحيد للعدالة هو الاعتراف بالذنب من الكل، ومحاسبة كل مين أعطى أمر ونفذ، بدون «خيار وفقوس»
نحنا بمنصة إكس ميديا عم نحط هالحقائق أمامكن لنأكد إنه الحقيقة الكاملة هي بس يلي بتحررنا، وإنه المجرم مستحيل يكتب تاريخ الضحايا.. حتى ما ننسى.. وحتى ما تتكرر المأساة بوجوه جديدة!
بعد مرور عام على مجازر السويداء في تموز/يوليو 2025، لا تزال المحافظة تعيش تداعيات أمنية وإنسانية واقتصادية معقدة، في ظل استمرار معاناة آلاف النازحين وأصحاب المنازل المدمرة، وتراجع فرص الوصول إلى حلول سياسية أو قضائية تنهي حالة الاحتقان.
كشفت شبكة أكسيوس، نقلاً عن مسؤولين أمريكيين وإسرائيليين، أن الرئيس الأمريكي دونالد ترامب طلب من رئيس الوزراء الإسرائيلي بنيامين نتنياهو البدء بإعادة انتشار القوات الإسرائيلية خارج الأراضي السورية، واتخاذ خطوة مماثلة في لبنان، وذلك خلال اتصال هاتفي جرى بينهما الخميس الماضي.
بالسويداء.. الحكاية ما كانت طوال سنوات الحرب مجرد رفض للتبعية للنظام السابق، أو حتى لفصائل المعارضة بوقتها.. رغم وجود بعض التيارات السياسية والحركات المسلحة الي ناصرت أحد طرفي الحرب
تستعد محافظة السويداء، غداً الأربعاء، لإحياء الذكرى السنوية الأولى لأحداث ومجازر "أسبوع تموز الأسود"، وسط أجواء من الحداد واستمرار التوترات التي خلّفتها تلك الأحداث، بالتزامن مع تصاعد حملات التحريض وخطابات الكراهية الموجهة ضد أبناء الطائفة الدرزية عبر بعض المنصات الإعلامية ومواقع التواصل الاجتماعي.
لا توجد مقالات الأكثر قراءة بعد
الإمارات العربية المتحدة - دبي
info@xmedia-news.com
© X Media News. All Rights Reserved 2026